Dr Kalumbi Shangula, apewa olupandu okudja ko Africa CDC

Oo ali nale ominister youhaku Dr Kalumbi Shangula,  okwa pewa epapa lo lupandu omolwo edano nghandangala laye lafimana moshikondo shouhaku.

Epapa la pewa Dr Shangula, ota kulopotwa ladja kehangano lo ku kelela noku tonatela omikifi mu Africa (Africa CDC) shalandula eshi atalika kutya okwa longele oilonga yafimana momayakulo ouhaku menenedu la Africa.

Shangula oo takutiwa okwa kwatela komesho oshikondo shouhaku onga ali tete hamushanga ta kalele oule womido dili 11, no lwanima okwa kaningwa ominister youhaku oule womido dili 6, ota hokololwa alonga oilonga yafimana unene tuu pefimbo oshikondo shouhaku sha kala sha taalela omashongo ngaashi pefimbo letukuko loudu wombuto yo  COVID-19.

Shangula pefimbo tatambulako olupandu laye okwa ulika eudo nawa laye nokwa pupula yoo kombuda ovanambelewa aveshe ovo vali pamwe naye moku yandja ekwafo louhaku pefimbo oshiwana shali shapumbwa eyambidido.