Ooboola dha thika 100 okwa tegelelwa dhi fulwe moshitopolwa Oshikoto moomvula ntano sigo omulongo dhili komeho,oku yambulapo ompito yoku mona omeya moshitopolwa

 

Ngoloneya gwa Oshikoto Sacky Kathindi  pethimbo ta gandja epopitho lye lyopapangelo koshigwana okwati oobola odhili oshitopolwa shomulandu gwawo guulethimbo gomeya goshigwana shaanafalama oshowo mboka haya kala kuushayi,hoka omeya geli ga simana.

Tati oobola otadhi ka gwedhwa komandiki goku kutha omeya oshimongwa,unene miitopolwa yina omeya gena oshimongwa.

Ta holola kutya ehangano lyo Namwater otali tula miilonga opololeka yeandjaganeko lyomeya yo Omutsegonime-King Kauluma,ndjoka tayi ka gandja omeya kaanamagumbo 589 noku gandja uuwanawa kaantu ya konda 5 900.

Ngoloneya ta gwedhako kutya opololeka okwa tegelelwa yi manithwe okuthika ku Feb 2027,nosheetwapo otashi ka kwashilipaleka kutya kapena oshigwana tashi thigala konima omolwa ompumbwe yomeya.