Omanyutu oga faalela oomwenyo dhaantu 33,unene aakiintu naanona moshiwike shimwe moshilando sha kondekwa sha El Fasher mo Sudan,shiikwatelela komunambelewa guuhaku ohela.

Omunambelewa ngoka a popi meholamo nonzonkundana yo AFP okwati omwaalu ogwa kwatelamo mboka yeshi pondola okwaadha kiipangelo,ta gwedhako kutya aanamagumbo oyendji oya fumbika iihakanwa yawo inaaya konga ekwatho lyuuhaku omolwa oonkalo dhegameno dha nkundipala,oshowo ompumbwe yiiyenditho.

Okuza mu May gwa piti,o El Fasher oya kala ya kondekwa kongundu yo Rapid Support Forces,ndjoka tayi kondjo netanga lyopakwiita lyepangelo okuza mu April 2023.

Oshilando osho shahugunina mo Darfur hashi kondololwa ketanga lyopakwiita nosha ponokelwa ko RSF,sho ya zi moshilandopangelo Khartoum kuyele nuumvo.

Omalugo goshigwana,oga pata omolwa ompumbwe yiikulya.

Aanamagumbo yamwe otaku lopotwa taya hupu nokulya iikulya yiimuna nenge iikulya mbyoka yeekelwahi.