Africa okwa pumbwa oku nkondopeka oku tutsa kwe ko electromagnetic compatibility noku nongonona okwiiyutha okuyanda oku ninga etoto lyiilongomwa yopa electronics mbyoka yaahena egameno

Omunashipundi  go African Electrotechnical Standardisation Commission (AFSEC), Amevi Acakpovi,okwiindiile Africa a nkondopeke oku tutsa kwe ko electromagnetic compatibility (EMC) noku nongonona okwiiyutha okuyanda oku ninga etoto lyiilongomwa yopa electronics yaahena egameno.

Ta popi peegululo lyoshigongiilonga shomasiku ga 3 sho EMC shuunganekwa ko  Namibia Standards Institution (NSI) ohela,Acakpovi okwa fatulula kutya ehumokomeho lyiilongomwa yopa electronics olyeetitha omudhingoloko gopa electromagnetic gwa dhigupala gwa pumbwa oku kondololwa.

Tati sho iilongitho tayiindjipala noo system tadhi ningi odhindji,oshowo iiponga,neidhopemo lya pumbwa iilongitho ya kitakana,iiponga yegameno,omaipulo guundjolowele,nondando yopaliko yiimanga kokwaahayutha.

Ta dhenge omuthindo kutya iilongo oyindji ya Africa kayina oshilongitho shoku tutsa sho EMC,nenge ihayi ningi omatutso gasha,noku pitika iilongomwa yaaheli pandondo yiye momalandithilo miilongo yawo.