Aanambelewa okuza muuministeli wuuthikepamwe wuukashikekokantu wa ningi oshigongi naamboka haya pewa oshikwiila shepangelo kOmuthiya ohela

Aanambelewa okuza muuministeli wuuthikepamwe wuukashikekokantu ohela okwali ya ningi oshigongi shoku topola omayele kOmuthiya oku kuthilako mboka haya pewa oshikwiila shepangelo.

Omukuluntu wiliki gwethaneko lyomilandu nomapekapeko muuministeli Wilbard Nashandi okwati etopolo lyuuyelele olya pitike mboka haya pewa openzela nenge eyambidhidho kepangelo polupe lopashimaliwa ya pule omapulo noku topola omayele nomaipulo kombinga yelundulululo lya thanekwa.

Nashandi tati sho okondalaka yo Epula Investment Technology tayi pehulilo,mboka haya pewa eyambidhidho kepangelo otaaka futwa iimaliwa ya Sept na October mu Sept.

Tati o Nampost otayi ka tameka okutopola openzela mu 01 October,ashike ofuto yotango otayi ningwa mu November.

Tati netembu ndika,epangelo otali ka hupitha oodola oomilion 85 ,tati elongelokumwe nEpupa olyali lina ondilo, nongaashingeyi oshimaliwwa otashi tulwa moopololeka dhilwe dhepangelo.

Etopolo lyuuyelele otali tsikile nena mo Tsumeb,notali hulu moshitopolwa Oshikoto omandaaha.