Kakukutu ko Polifi Joseph Shikongo akunghilila avo hava shade noku shundula vakwao komalungula veshi xulifepo

Kakukutu ketanga lopolifi moshilongo Inspector General Joseph Shikongo okwa takela omutanganwe ovo hava tula omishangelo danyika oumbodo komalungula oikundaneki ne lalakano loku nyana noku shundula  oo handimwe kutya ota shidulu oku vatulififa moupyakadi.

Ekunghililo la Shikongo,  okwe li yandja onghela  ongula pefimbo lo shongalele shetulomoilonga laasho tashuufanwa Ethical Use of Social Media Campaign,  sha kwatelwa komesho kouminsitry womauyelele no makwatafano sha ningilwa mo Windhoek.

Shikongo tayelifa kutya omakwatafano omalungula okwa pumbwa oku longifwa onga omikalo doku yandja omauyelele, okuu lika oiholelwa iwa, oku hanganifa oshiwana,  ndee haku yandja omauyelele taa pukifa, oku tuka ile oku ningila ominyonena oo handimwe.

Okwati ovo tave keli halukwa tava ningile oshiwana omashundulo oku pitila komalungula ota shidulika veke lihaluke veli moupyakadi wo paveta ngaashi oku pewa omahandukilo odolongo.

Okwa popya nghene oshikonga tashi lalakanene oku yandja ouyelele koshiwana sha Namibia,  shikale alushe hashi dilaadila omanga ina shi tula komalungula omauyelele oo elilepo oku etifa ominyonena koo handimwe.

Shikongo okwati omashangelo haa tulwa komalungula  anyika oumbodo,  otaa dulu oku halakanifapo eemwenyo dovanhu, omaifano avo oilonga, noku shundula ovo vaningwa oihakanwa.

Shikongo tawedapo kutya oku pitila moshikonga,  opolifi ota ika yandja omalongopukululo ko shiwana , oku tulapo eenghonopaleko lomikalo odo tadii moshipala omalushindo okomalungula noku kwashilipaleka kutya,  oya longela kumwe moukumwe umwe no vakufimbinga aveshe opo ku kelelwe elongifo nayi lo makwatafano omalungula.

Shikongo  okwati pokati ka April 2022 fiyo  April 2025, oikoya yakonda po 11 990 oya pitifwa oku pitila ko ikundaneki yo malungula omanga ifike 9 039 ya lopotwa inasha noku ningila omashundulo oohandimwe.