Namibia okwa kondema edhipago lyaatoolinkudana mo Gaza

Epangelo lya Namibia olyeendulula eindilo lyalyo opo iikolokosha yiye pehulilo mo Gaza, sha landula edhipago lyaatoolinkundana ya 6,mwa kwatelwa yane okuza mo Al Jazeera,moshiponokela shoshi odhekela mo 10 omwedhi nguka.

Epangelo momushangwa gwa pitithwa kuuministeli wiikwapondje niipindi ohela ogwa kondema oshiponokela,shoka sha faalele omwenyo gomutoolinkundana go Al Jazeera Anas al  Sharif nayalwe.

Epangelo tali hokolola oshiponokela onga epogolo lyoveta yopashigwana no Geneva Conventions,ndjoka tayi lalakanene okugamena aatoolinkundana momahala giikolokosha.

Epangelo tali gandja omahekeleko kaapambele yiihakanwa,aanilonga pamwe oshowo ookuume kaatoolinkundana mboka ya hulithile moshiponokela shoka omanga taya longo iilonga yawo,taliti eitulemo lyawo moku lopota uukwashili moonkalo dhoka dha nika oshiponga olya pumbwa esimaneko .

Epangelo shiikwatelela ko Nampa,taliindiile oshigwana shomuuyuni,mwa kwatelwa iiigwana ya hangana nomalutu taga opalele guuthemba womuntu ga ninge omakonakono giithikemanapo moshiningwanima shika ,yo mboka yenamo ombinga ya yamukule kohi yoveta yopashigwana.