Omupresident Netumbo Nandi Ndaitwah ohela okwiindiile mboka yeli moshikondo shomuku nomahooli ya longe iilonga yawo mokukalo  guundikuwetikile,noku shilipaleka esimaneko lya Namibia naantu ye

Omupresident shika okweshi  popi moshipopiwa sha leshwa peha lye komutumba omuti 3rd go  Namibia Oil and Gas Conference mo Windhoek.

Omutumba otagu kuthwa ombinga kaaleli yepangelo ya yooloka naanipambuliko moshikondo.

Tati oonzo dhoshilongo odhoshigwana,neyambulepo lyadho nali kale aluhe muuwanawa woshigwana.

Tiindiile aanipambuliko ayehe moshikondo ya longe iilonga yawo nuukwashili,einekelo nuundikuwetikile,momukalo ngoka tagu ulike esimaneko lyashili lya Namibia naantu ye.

Omupresident ta londodha kutya epangelo lyoshilongo otali kala tali nongonona omayambulepo agehe oku kwashilipaleka eiyutho lyooveta,omilandu eendithi nomikankalandu.

Omanga ta popi pethimbo lya faathana omupevi prime minister nokuli ominista yiikwa fabrika,oomina niikwankondo Natangue Iithete ,ngoka ati omahooli nomuku ngoka giitsuwa moshilongo inaga eta ashike omukumo moshilongo,ashike nomuumbangalantu awuhe wa Africa.

Tati ngele odha kwatwa nena,nena oonzo otadhi ka vulitha ehumokomeho,ekoko lyomakwatathano,eyambulepo lyowino nekondjitho lyoluhepo moshitopolwa.