Oshongalele tashi tale keyambidido leedjo domeva mu Africa oshili metifa mo South Africa

Oshongalele shotete osho tashi tale komikalo delongifo lomeva mu Africa osha hovela onghela mo Cape Town.

Oshongalele oshili oshipambu sho shinakuwanifwa shepangelo la South Africa olo likwetele komesho oshinakuwanifwa sho upresident woilyolongo yo ’G20, no shili tashi unganekwa pakwafelo lehangano lo ilyolongo yongonga hangano ya Africa  (AU) oshoyo omahangano akwao oo eli moukumwe.

Oshongalele osha talika tashi lalakanene okweetapo eongelo lo shimaliwa shifike pee  30 billion U.S. dollars, tashi kala no kuningwa omudo keshe opo ku fitikwe ombululu yomumbwe yo mayambidido omeva menenedu la Africa.

Ovaleli vadja moilyolongo ya yooloka ya Africa, ovapunguli vehangano lo ilyolongo yo G20, eeminister oshoyo oikondo inasha no mayambulepo oveli tava kufa ombinga moshongalele osho,  sha unganekwa koshi yexuku, ‘Oukwao wananghali, efikifo pamwe, ekalekepo.”

Omupresident wa South Africa  Cyril Ramaphosa,  pefimbo loshipopiwa shaye moshongalele okwati oshongelele oshili onghatu yafimana ku Africa no kounyuni aushe.

Moule womafiku eli 3 pefimbo oshongalele shili metifa ovakufimbinga ova teelelika vaa kale vapambula keenghundafana da yooloka osho sha kwatelamo omakwatakanifo eeprojeka pamwe no vapunguli noku lilongekidila etulomoilonga laasho tashi katokolwapo okudja meenghundafana daasho tashi katulwa moilonga pexulilo lo shongalele.