Aakadhona ya thika po 66 000 ya tuntilwa o HPV

Uuministeli wuuhaku nonkalo nawa owa tuntila aakadhona ya thika 66 000 yoomvula 9-14 o Human Papillomavirus,noku adha oo % 47 dhoshishonekwa shawo.

Moonkundathana  na Selma Taapopi go NewsonOne ,Omupevi kuluntu guuhaku wopashitopolwa nomayakulo gopankalathano Taimi Amaambo okwati oshikonga sho HPV ngaashingeyi otashiyi sigo 29 August okwaadha oo % 60 nenge aakadhona ya konda 139 000.

Tati ooskola dha konda 200 odha kutha ombinga miiwike iyali ya piti,tadhi yambidhidhwa koospan dhoku tuntila dhili 414 moshilongo ashihe.

Amaambo ta gwedhako kutya epangelo olya pungula oodola dhili poomilion 70 oku landa otuntila ndjoka hayi kwathele oku keelela okankela yokoshivalelo,yili okankela ontiyali hayi gumu aakiintu moshilongo,noku etitha omaso 200 kehe omumvo.

Tiindiile oshigwana opo shaaha taandeleke uuyelele waaheli mondjila kombinga yotuntila,ta gwedhako kutya otuntila onkee yili omukalo tagu longo guuhaku woshigwana.