Aatoolinkundana ya South Africa otaya indile egameno olindji kaatoolinkundana ya Palestine

Aatoolinkundana ya S.A naanilonga yuutoolinkundana oya ningi omunyanyo mo Sea Point mo Cape Town ohela,taya indile egameno olindji lyaatoolinkundana ya Palestine noku holola uukwa wanankali naanilonga pamwe nayo mboka ya dhipagwa.

Eholololomadhiladhilo lya kuthwa ombinga kaakuthimbinga 2 000 olya landula oshiponokela motenda pondje yoshipangelo Al Shifa mo Gaza 10 August shoka sha dhipaga aatoolinkundana yatano yo Al Jazeera,nagumwe ha longo omalupita.

Omunyanyo oguunganekwa ko Journalists Against Apartheid (JAA) noko Palestine Solidarity Campaign ,payambidhidho okuza koongundu ngaashi Mothers4Gaza, South African Jews for a Free Palestine, no  Healthcare Workers 4 Palestine.

Aatoolinkundana ya SA. taya kondema shoka ya hokolola kutya iikonga ya Israel tayi odheke aatoolinkundana ya Palestine okuulika iimbuluma yiita noonkatu dhomadhipago gakiinohenda.

Okuza mu Ooctober 2023,Israel okwa dhipaga aatoolinkundana yeli 269 mo Gaza,shiikwatelela ko Al Jazeera,tayi endulula omiyalu okuza mo Committee to Protect Journalists, o  International Federation of Journalists, no Shireen.ps