President Netumbo Nandi-Ndaitwah ahalela omolo iwa omupresident kwali Hifikepunye Pohamba mefiku le dalo laye nena

President Netumbo Nandi-Ndaitwah  nena okwa halela omolo iwa oo ali nale omupresident wo shilongo tatekulu Hifikepunye Lucas Pohamba eshi awanifa omido 90 nena.

Metumwalaka lo mupresident olo lapitifwa okudja mombelewa yaye ongula yo nena,  okwati ponele yepangelo no shiwana sha Namibia, okwa halela omahalelo mawa tatekulu Pohamba edalo liwa kuye.

Okwati omupresident kwali woshilongo okwa okwa longa oilonga yafimana moku kwatela komesho emanguluko lo shilongo oshoyo natango oku kwatela komesho oshiwana sha Namibia pefimbo ali omu President wo shilongo eshininga paudemocry, oku hanganifa oshiwana oshoyo oku tunga oshilongo, osho tati ota shi kala alushe enwefemo no shiholelwa shiwana ko shiwana shova Namibia.

Netumbo Nandi Ndaitwah,  okwati oshiwana sha Namibia ota shikala alushe netumba omolwo eendunge no u kwatya muwa oo omupresident kwali  nale aulikila oshiwana osho tati osho shapala ondjila yombili nengungumano olo fyee tuli hatu tyapula nena moshilongo.

Okwe muhalela oukolele no mido dihapu natango komesho.

Tatekulu  Hifikepunye Pohamba okwa monene etanga oshikando sho tete mo 18 August 1935, adalelwa momukunda Okanghudi moshitopolwa sha Ohangwena.

Oye ali omupresident omu 2 wa Namibia, no kwa wilika oshilongo okudja mo 2005 fiyo  2015.