Elelo lyoshitopolwa Oshikoto otali londodha oshigwana kombinga yaakengeleledhi taya longitha edhina lyelelo lyoshitopolwa

Elelo lyoshitopolwa sha Oshikoto otali londodha oshigwana kombinga yiipotha yuukengeleledhi wa kwatelamo aakengeleledhi,taati oyeli aanilonga yelelo.

Omupopiliko gwelelo lyoshitopolwa Petrus Nehale okwati aakengeleledhi otaya pula ya futwe kaagandji yomayakulo mepingakanitho lyoku pewa ookondakala dhoku gandja omayakulo,noku longitha unene oshihako shelelo lyoshitopolwa shiifundja.

Nehale tati elelo lyodoolopa kalina esiku liikunde naaningi yomaindilo goku gandja omayakulo opo ya pewe ookondalaka.

Tati omatseyitho ahege genasha nookondalaka dhoku gandja omayakulo ohaga tulwa ko website yelelo lyoshitopolwa oshowo pa eemail dhopambelewa.

Tiindiile oshigwana opo shaaha ningwe iihakanwa yuukengeleledhi mbuka,noku lopota kehe iinyangadhalwa tayi limbilike kopolisi yopopepi.