O Telecom Namibia nehangano lyo NAPWU oyaadha etsokumwe lyoondjambi

Ehangano lyo Telecom Namibia nehangano lyaanilonga lyo NAPWU ohela oya shaina etsokumwe lyoonkundathana dhoondjambi dhomumvo 2024-2025  no 2025-2026.

Ta popi momutumba gwiikundaneki mo Windhoek,omukuluntu wiliki go Telecom Namibia Stanely Shanapinda okwa hokolola etsokumwe kutya olya kalelapo eitulemo lyomikalo dhiilonga dhili pauyuki nodhiiwetikile,oshowo oku shilipaleka kutya aanilonga oya talikako noku pandulwa omolwa iilonga yawo.

O Nampa oya lopota kutya onga oshitopolwa shetsokumwe,aadheulwa ayehe taya kalele naanilonga yeli kookondalaka otayaka pewa oodola 12 000 nuumvo,tadhi nanwa iihohela yokongulu.

Ondjambi ndjika oya pingenapo egwedhelo lyondjambi lyomumvo go 2024-2025.

Nokuza mu 01 October,aanilonga ayehe otaaka pewa egwedhelo lyoondjambi noo % 5.Omanga engambeko lyomikuli nomagumbo lya  tulwa poodola 150 000 kaanilonga ayehe.