Prime minister Eliayah Nngurare opamwe naanambelewa yalwe oyeli komutumba go TICAD9 ko Japan

Prime minister Eliyah Ngurare okwa wayimine aaleli yopauyuni moonkundathana dho High-level Thematic Side Event, komutumba go TICAD9 nena mo Yokohama sha Japan.

Omutumba oguunganekwa ko Ocean Policy Research Institute of the Sasakawa Peace Foundation (OPRI-SPF) palongelokumwe no Sasakawa Africa Association (SAA) kohi yehuku:”Building Sustainable, Resilient, and Inclusive Food Systems and Local Economies in Africa Anchored in Sustainable Blue Economies and Agriculture.”

Ngurare ta dhenge omuthindo eitulemo lya Namibia oku yela egameno lyoondya,oku kalelapo oonzo dhomefuta,nelundululo lyeliko lyomuushayi  oku pitila momikalo dhiikalekelwa oshowo muukumwe.

Ta dhenge omuthindo ompumbwe yomapungulo miiyenditho,nomakwatathano gokomatuliloskepa nelongelokumwe lyopaliko, noku dhenga omuthindo kutya oonzo dhomefuta otadhi vulu oku longithwa nuukeka okunana ekoko,okweetapo oompito dhiilonga,oku yambulapo elongo lyoondya noku yela omapashiyono,noku kalekapo wo oonzo dhomeya noonzo dhomefuta.

Oonkundathana dhopamuthika gopombanda odheeta pamwe aaleli yopapolitika notadhi lalakanene okuyela oonkundathana tadhi kwatelemo nomayamukulo gopamuhanga oku yela onakuyiwa ya Africa yomilandu dhoondya nomaliko.