Prime minister gwa israel okwati oonkundathana otadhi ka shimbika methimbo efupi oku mangulula oonkwatwa noku hulithapo iikolokosha mo Gaza

Prime minister ya Israel Benjamin Netanyahu okwati oonkundathana otadhi tameke methimbo efupi oku mangulula oonkwatwa noku hulithapo iita yoomvula hanga mbali netata mo Gaza.

Ta popi pooha noongamba na Gaza,Netanyahu okwa dhenge omuthindo kutya oku sinda o Hamas noku mangulula oonkwatwa oyina oku endela pamwe.

Ta koleke oompangela oku zimina oshikonga shopakwiita sha Israel oku kwatako oshilando Gaza,tati oshili onkatu ya simana miikolokosha.

Onzonkundana yo AFP oya lopota kutya omipopyo dhe odha landula  ethaneko lyoku hulithapo iikolokosha,lyeendithwa ku Qatar na Egypt,ndyoka o Hamas ya zimine oshiwike shika.

Ompangela oyindiile ekodhekepo lyiikolokosha yomasiku 60,noku mangulula etata lyoonkwatwa adhihe dhoka dheedhililwa natango ,kwiitaalwa aantu 50.

Netanyahu ina tyakosha kethaneko ndyoka.

Israel okuunganeka aakwiita omayovi yopakathimbo komeho yoshikonga mo Gaza,nonando pena eipulo lyopashigwana .

Lopokati mpoka,aa Israel omayovi oya ningi omahololomadhiladhilo taya pula ompangela yoku hulithapo iita,omanga aa Palestine mo Gaza ya ningi omunyanyo omolwa oonkalo dha nayipala.