Ominista yuuhaku nonkalo nawa DR Esperance Luvindao okwa talelepo oshipangelo sha Eenhana District Hospital pashiyakela metitano,moka ayi moonkundathana naanilonga naavu,noku tala oonkalo dhoshipangelo.

Minister ta mono kutya  oshipangelo osha taalela omashongo gehala nomakwatathano,ashike okwati oku nawapaleka oshipangelo oyili oshilalakanenwa shepangelo.

Pethimbo lya faathana,minister okwa dhenge omuthindo kutya ewiliko lyoshipangelo nali ulike eitulemo lina oonkondo ketakamitho lyuuhaku wongushu.

Minister ta holola wo omaipulo guundjugo mboka wa patwa nomalapi giilalo,oshowo uuyaha wiikulya wa halakana,omukalo ngoka a hokolola kutya itagu taambiwako.

Tati wo oonkalo dhoka otadhi nana,iinamwenyo yomomagumbo ngaashi uumbishi,shoka sha ninga uupyakadhi koshipangelo.

Dr Luvindao tiindile aanilonga ya nawapaleke uuyogoki noku kalekapo uundjolowele waavu.

Ta tseyitha kutya ospan ye otayi galuka miiwike iishona yili komeho oku shilipaleka kutya omashongo ngoka oga  katukilwa onkatu .