Ehangano lyo MTC otali tanununamo omayakulo galyo konooli yoshilongo, paku patulula iitayi iipe yili ihamano

Ta popi komauliko giipindi ga Ongwediva,omupopiliko gwehangano John Ekongo okwati etokolo olya kuthwa oku yamukula koompumbwe dhoongeshefa,dhoongeshefa oondhona nodhopokati ,oshowo dhoshigwana dhoka tadhi koko.

Iitayi iipe otayi ka kwatelamo oshitiyali mo Katima Mulilo,noko Rundu,oshitayi oshipe mo Divundu,oshowo Nkurenkuru,omanga oshitayi oshipe sha patuluka nale mOmuthiya.

Ekongo ta shilipaleke aayakulwa eyakulo lina ongushu, noku londodha oshigwana shi kale sha lungamena aakengeleledhi,ta dhenge omuthindo kutya o MTC ohayi kwatathana ashike naayakulwa tayi  longitha ongodhi 081 888 2000.

Omanga omukalelipo go MTC Theo Iishuna a holola kutya etata milion lyaayakulwa oya kutha eyakulo lyo MTC Maris,nonando yeli  6 000 oyo ashike yaadha oshipumbiwa oku pewa omukuli go Taamba Maris Loan.