Ominista yuunamapya,oohi,omeya nomatulululo gomavi Inge Zaamwani nomupevi gwe Ruth Masake oya talelepo oopololeka dhuunafalama moshitopolwa Zambezi omandaaha

Ominista yuunamapya,oohi,omeya nomatulululo gomavi Inge Zaamwani nomupevi gwe Ruth Masake oya talelepo oopololeka dhuunafalama moshitopolwa Zambezi omandaaha,komeho yetyapulo  lyesiku lyomapendafule.

Etalelepo olya kwatelamo Katima Mulilo niikandjohogololo yopuushiinda,moka uuministeli tau yambidhidha aanafalama okupitila mopolohalama yawo yo Agricultural Value Chain Programme.

Opolohalama otayi lalakanene oku yambulapo eteyo,ompito yomalandithilo ya nawapalekwa,noku nkondopeka oku gwedha ongushu kiilongomwa opo iigwana yi vule oku kala ya hupila muyoyene ngele tashiya kelongo lyoondya nekoko lyuulethimbo.

Mokati koopololeka dha talelwapo omwa kwatelwa o Liselo Horticulture Gardens no Chefuzwe Poultry Project ,hoka aanambelewa yati otadhuulike eitulemo lyepangelo oku nkondopeka aanafalama  noku tunga oongeshefa tadhi kalapo tadhi nawa koshigwana.