Omupapa Leo okwa gandja endilo lina oonkondo koshigwana shomuuyuni oku hulithapo iita yoomvula mbali netata pokati ka Israel no Hamas

Ta popi mo Vatican,omupapa okwiindiile eegeko lyiilwitho meendelelo,oku mangulula mboka yeedhililwa mo Gaza,negandjo lyomakwatho pamukalo guna egameno.

Ta dhenge omuthindo ompumbwe yoku simaneka oveta yopashigwana ,mwa kwatelwa esimaneko lyaakwashigwana noku indika egeelo lya yaga kegonga nomiyonena itaadhi tongola.

Omupapa Leo,gotango omvalele ya America okwa kala iitulamo nokuulika ewi miikolokosha,,ta dhenge omuthindo iinakugwanithwa yopaveta nomaipulo gomakwatho gopantu,inaa tumbula paukiliko Israel nenge o hamas.

Iita ya Israel no Hamas ya tameke mu October 2023 sho aakwiita yo Hamas ya ponokele Israel oya dhipaga aantu ya konda 1 200 noku edhilila ya konda 251.

Oshikonga yamukulo shopakwiita sha Israel osha faalele  oomwenyo dhaa Palestine 62 000,unene aakwashigwana,shiikwatelela komalelo guuhaku ga Gaza.

Eindilo lyomupapa olyeya sho pena eindilo lyombili negandjo lyomakwatho okuza moshitopolwa.