Ehangano lyo AMTA otali kongo iilya moshilongo ashihe okuza kaanafalama

Ehangano lyo Agro Marketing and Trade Agency olya tseyitha lya tamekitha oshikonga shoku landa omahangu ,tashi lalakanene oku landa oo metri ton 2 125 dhomahangu kaanafalama moshilongo ashihe nuumvo.

Oshikonga sha tameke ohela,otashiyi sigo opehulilo lya october nenge ngele o qouta yuudha yaadhika.

Pasval Elijah omunambelewa gomakwatathano  mo AMTA okwati opolohalama itayi yambulapo ashike ompungulilo dhiikulya moshilongo,ashike otayi nkondopeke wo eliko lyuunafalama,paku etapo omalandithilo guukilila kaanafalama aashona oshowo kaanafalama yopamuhanga.

Aanafalama otaaka futwa oodola 7 .30 mo kilogram ,niifuta tayi futwa meni lyiiwike iyali.

Aanambelewa otaa indile aanafalama ya shilipaleke kutya iilyayawo oyeteyo lyongaashingeyi,ya yela na inayi tukwa.

Omunafaalama okuza komukunda Okashana okwa taambako osheetwapo,tati otashi kwathele oku shilipaleka kutya iilya itayi hepa.