Malawi ota kala ospan ondhigu-Collin Benjamin

Omudheuli gospan yo Brave warriors Collin Benjamin okwati Malawi ota kala omukondjithi omunankondo sho Namibia ta tameke nuudhano we wo FIFA World Cup Qualifers omwedhi taguya.

O Brave Warriors otayi ka taalela Malawi mu 5 Sept na Sao Tome and Principe mo 9 Sept mo Francistown mo Bostwana.

O Nampa oya lopota kutya Benjamin okwati Malawi okuli ospan yina oonkondo kohi yomudheuli Callisto Pasuwa,ashike onkee ena omukumo kutya Namibia ota vulu okumona iizemo ngele oya kondolola omukalo gwawo goku dhana, noku etapo oompito dhoku tulamo ookola.

Tiindiile wo aaholi yuudhano ya kuthe ompito tayi gandjwa kepangelo okugandja oobus okuya ko Bostwana oku ka yambidhidha ospan,tayiti uukalipo wawo otawu ka yambulapo ombepo yaadhani.