MTC tatula moilonga omatenda omakwatafano o G5

Ehangano lo makwatafano eengodi dopeke moshilongo MTC olati etulomoilonga lo matenda mape o makwatafano o 5G oku niwe elineekelo aka endelelife omakwatafano oku shiyelekanifa nao akalapo nale o 4G.

Oo eli omupopiliko we hangano lo MTC  John Ekongo,  pefimbo lee nghundafana odo aninga nodjo nghundana yetu okwati,  etulomoilonga lo mulandu upe wo makwatakanifo omatenda mape o 5G,   ota uka endelela no shidudu shifike fiyo opo ikando ili  10,  oku shiyelekanifa nao akalapo nale o 4G.

Ekongo tapopi kutya,  omulandu upe ouli ondjokonona koshilongo mo kweetapo etungululo lo makwatafano opashinanena ngee tashiya pamakwatafano omalungula osho tati ota shiningwa nonande Namibia,  eli konima yomulandu upe oku shiyelekanifa no ilyolongo ikwao mu Africa.

Okwati shalandula komalolelo oo ali aningwa mu  February 2025, atalika aenda nawa,  ehangano lo MTC,  ola yeulula omafaneko alo etulo moilonga lo matenda mape osho sha ningilwa ko maulikilo oipindi ONGWEDIVA okomudo neudo mo lomakaya.

Okwati oshiluku shotete shetulomoilonga lo makwatafano mape ota shika kwa telamo eenele ngaashi  Windhoek, Swakopmund, Oshakati, Ongwediva, oshoyo Walvis Bay.

Ekongo tayelifa nghene moule weehani dili 2 ehangano lina omafaneko oku tulapo omatenda awedwapo meenele didulife 100,   elalakano oku kwatako noku adjakaneka oshilongo ashishe.

Ekongo okwati omulandu upe wo makwatafano okwa teelelika uka kale una ouwa we yambulepo leengeshefa oshoyo omayakulo moikondo ya yooloka ngaashi ehongo, ouhaku oshoyo moikondo ikwao yo paliko.