Omupresident gwa Tanzania Samia Suluhu Hassan otaka kutha ombinga momahogololo guupresident geliko mu October

Omupresident gwa Tanzania Samia Suluhu Hassan otaka kutha ombinga momahogololo guupresident geliko mu October, ta kutha ombinga oshikando shotango okuza nkene a landula nakusa John Magufuli mo 2021.

Hassan ngoka a kalelapo ongundu tayi pangele yo Chama cha Mapinduzi Party okwiindiile uukumwe meni lyongundu,sho euliko lye lya ziminwa.

Ashike omahogololo oga taalela nale omahilathano.

Omomisi yomahogololo oya tindi ekuthombinga lya Luhaga Mpina ,omuleli gongundu ontiyali onene yompilameno,yo ACT -Wazalendo,tayiti omolwa okwaahena uuyuki moshikumungu sheuliko lye.

Ongundu oya kondema etokolo, tayiti olypapolitika.

Omanga onzonkundana yo Africa news ya lopota kutya ongundu onene yompilameno o Chadema,ya tindwa kuyele mu April,omanga omunashipundi gwayo Tundu Lissu natango eli mondjedhililo omolwa iipotha yoku kengelela epangelo,mbyoka a tindi.

Oongundu dhuuthemba womuntu odhati oku odheka aaulikwahogololwa yoompilameno nomakwatepo mbambyoka gaamboka yeli ompinge nepangelo osha holola eikwapomutima kombinga yondjokonona ya Hassan yuuthemba womuntu.

Euliko lyaaulikwa yomahogololo olya hulu ohela.