Omupresident Ntumbo Nandi Ndaitwah okwiindiile elongelokumwe pokati ko UNAM nuuministeli wuunamapya oku yambulapo egameno lyoondya okupitilila mofaalama yo Kalimbeza

Omupresitend Netumbo Nandi Ndaitwah okwiindiile oshiputudhilo sho UNAM nuuministeli wuunamapya ya longele kumwe oku patulula oompito dhuudha dhelongo lyoondya mo Kalimbeza Rice Farm moshitopolwa Zambezi.

Pethimbo lyetalelepo lye kofaalama ,omupresident okwati oshitopolwa Zambezi niitopolwa iyali ya Kavango onkee yili iigandhi yoshilongo,ya simana moku kwashilipaleka egameno lyopashigwana lyoondya.

Ashike onkee pena omashongo:Aanambelewa oya holola kutya eshina lyoku longa olwishi mofaalama olya kala lya teka okuza omumvo gwa piti,noku etitha olwishi lwaahaye momalandithilo,nonando ofalaama ya teya olwishi loo tona  108.

Ofaalama oya pewa oodola oomilion 18 opo yi opalekwe,mwa kwatewa eshina epe lyoku longa olwishi ,noku nawapaleka omakwatathano.