Omutamanekwa moshikumungu sho Fishirot Tamson “Fitty” Hatuikulipi, okwa tambulilwa moshipangelo

Omutamanekwa mo shikumungu shoulunga weeshi Fishrot Tamson “Fitty” Hatuikulipi, okwa lopotwa atambulilwa moshipangelo omo akalamo  okudja oshivike sha djako eshi taku feeelwa kutya okuna oku kala alya oikulya ina oudio.

Oshikundaneki sho Windhoek Observer,  nena osha lopota kutya nande ongaho ka kushiivike kutya okwalya oikulya yo ludi lilipipo, nota va feekele oikulya oyo valya ve ilanda okudja moka cafiteria ko dolongo opamwe no mutamenekwa mukwao Mike Nghipunya.

Omunaveta wa Hatuikulipi, Mbanga Siyomunji, ta lombwele oshikundaneki kutya,  omuyakulwa waye konima yoku mona ekwafo lo uhaku onghalo yaye ota yuulika ya yuka kouwa paife.

Nande ongaho ewiliko lo dolongo pefimbo la pulwa koshikundaneki olaanya omapopyo okutya Hatuikulipi, okwalya oikulya ina oudio,  tava yelifa kutya iha vape ovanadolongo omaudio , ta liti  oupyakadi oo we mutwalififa moshipangelo ota udulu ashike oku kolekwa keendokotola.

Hatuikulipi oye umwe womo vatamanekwa va taalela omatamaneko okulunga noku litapula moshikondo sheeshi omo ehangano lo shilongo  Iceland lo  Samherji,   taku lopotwa la futile ombubo yo shimaliwa shakonda lunga pee N$300 million, opo li pewe omito yoku kwata eeshi mefuta la Namibia.

Hatuikulipi okwa kala mondjeidililo oule womido di dulife pu 5 paife nee nghendabala daye doku tala ngee tapewa omito yoku lifutilamo oda kala noku shunifwako okudja momangu.