Elelo lya Ondonga olya teya epungu lyoo tona 11 mepya tali adhika komukunda Omutse gOndjamba mOmuthiya

Elelo lyopamuthigululwakalo gwa Ondonga moshitopolwa Oshikoto olya teya ootona 11 dhepungu okuza mepya lyoo hectare 32,naandika olili etamekelo lyoku nawapaleka egameno lyoondya.

Eteyo olya ningilwa kepya lili kOmutse gondjamba moshikandjohololo sha Omuthiya.

Omunashipundi go Ondonga Agricultural Project Jelly Kambala,okwati eteyo olyeenda nawa, omolwa ombuto yepungu lyontumba ndjoka ya kuthwa ko Zambia.

Naashika oshikando shotango elelo lyomuthigulwakalo tali teya oludhi nduka lwepungu.

O Nampa oya lopota kutya epungu otali ka landithwa kaakalimo moshitopolwa,nokuyapa ombuto ombwaanawa yoku kuna monakuyiwa,oshowo okulya kuyo yene.

Omunashipundi tiindiile oshigwana shi lande epungu ndyoka,tati ombuto ombwaanawa.

Elelo mu July okwali wo lya teya iihakautu shili oshikando shotango.