Omupresitend Netumbo Nandi Ndaitwah okwa holola okuuva konayi omolwa omakateko oku potokonona uukwatya wiilonga waanilonga aakulu yehangano lyo Agribusdev

O Nampa oya lopota kutya pethimbo a talelepo o Sikondo Green Scheme mo Kavango west metitano,aanilonga oya lombwele omupresident kutya oya thigwa mombepo okuza sho ehangano lya halakanithwapo mo 2020.

Taya nyenyeta oonkalo dhiilonga dha nkundipala,uuwanawa womagumbo niiyenditho inaawu lundululwa okuza mo 2015,oshowo omalimbililo  gonakuyiwa yawo.

Aanilonga aakulu taya pula wo uuministeli wuunamapya,kombinga yolopota ndjoka ehangano lyokugandja omayele kwali lya futwa ooodola oomilion ne, oku yambidhidha okuya mumwe kwawo,kaapena iizemo yi wetike.

Omupresident ta pula ngoka ta kwathele onga omunambelewa kuluntu Ben Haraseb a gandje omayamukulo,ngoka a zimine omakateko nomashongo genasha nooveta.

Ta gandja elombwelo kominista yuunamapya,Inge Zaamwani a yamukule oshinima shoka meendelelo,tati omatokolo gepangelo itaga vulu okuthiga aantu taya mono iihuna uule woomvula ondhidji.