Ekungulukovi li kenyeneka olya hanagulapo omukunda aguhe gwa Tarasina mo Darfur sha Sudan,noku dhipaga aantu taku tengenekwa yeli 1 000.

Ekungulukovi olya holoka osoondaha,konima yomasiku gaali gomvula moondundu dha Marrah  mondingandinga ya Darfur.

Oolopota moshilongo odhati omuntu gumwe okwa hupa moshiponga.

O Sudan Liberation Movement Army otayiindiile ekwatho lyopashigwana meendelelo,ashike omakwatho onkee oshidhigu oku monika,sho iita yopashigwana ya Sudan tayi tsikile,

Oongundu dhomakwatho odha londodha kutya oshitopolwa oshinene sha Darfur osha tetwako,naantu oomilion ya tulululwa, naanegumbo yamwe taya hupile momwiidhi.

O Africa news oya lopota wo kutya iigwana ya hangana oya hokolola Sudan onga shimwe shomiilongo ya taalela oshikele shomakwatho shi kenyeneka muuyuni,nongaashingeyi osha nayipalekwa kengulukovi.