Oshituthi shoku dhimbulukwa iihakanwa yoshiponga sha holoka pooha na Malinda otashi ningwa ongula kOmalinda

Oshituthi dhimbuluko otashi ka ningilwa kokapale komaudhano ka Malinda ongula,okusimaneka aantu 16 mboka ya hulithile moshiponga shiiyenditho pooha naMalinda olyomakaya.

Ominista yiikwameni yoshilongo,omatembu,egameno,nepopilo lyoshigwana Lucia Iipumbu momushangwa gohela okwati oshituthi dhimbuluko otashi tameke potundi onti 11h00.

O Nampa oya lopota kutya oshiponga osha faalele oomwenyo dhaantu 16,mwa kwatelwa aanambelewa yegameno yali miilonga yeli14 oowili dhongula yolyomakaya,nosha kwatelamo ohauto yoshikondo shoodholongo nomanzulonkalo, nosheenditho shopolisi yoshilongo.

Aanambelewa yoodholongo okwali yuuka kendiki lyodholongo ya Malinda,omanga osheenditho shopolisi kwali tashi fala aakwashigwana yaali koshipangelo sha Malinda.