DRC mwatukuka omukifi wEbola

Oshilongo DRC osha koleka etukuko lomukifi wEbola moshitopolwa shoumbuwanhu shedina Kasai. 

Eelopota doikundaneki odati ovanhu vefike po 28 ota va feekelwa vaningwa oihakanwa yomufiki  omanga 15 vaxulifa.

Ovanambelewa vouhaku ovati etukuko ola hovela konima eshi omukainhu ali elihumbata atambulilwa moshipongelo pexulilo lomwedi wadjako eya tatika ohonde noku xulifa konima yoshivike eshi akala moshipangelo no sha etififa ovanambelewa vouhaku ovo va yandja eyakulo kuye navo vaningwe oshihakanwa.

Oshikondo sho makonaakono ouhaku moshilongo osho, osha yandja eingido lomakwafo opaulumomumbwe oshivike eshi,  konima eshi kwa didilikwa omuvalu waavo vaningwa oihakanwa yomufiki ta weende no kuya pombada.

Mokati kaavo vaningwa oihakanwa yomukifi we bola,  ota kulopotwa vena omadidiliko ngaashi oshoombo shili pombada, onghungo nota vatika ohonde noku tandavelifa omukifi ku vakwao unene pefimbo tava pewa ouhaku ile pomafudiko.

DRC okwa didilikwa ta mutukuka etukuko lomukifi we Bola oshikando eshi 16 paife, okudja nghene omukifi oo wa didilikilwemo oshikando shotete  mo 1976, nowa kala noku  twaalela eemwenyo dovanhu omayovi no mafele.