O PSUN ya gandja ombeedhi kooveta dhiilonga dha kwisha dhoka tadhi etitha oonkalo dhiilonga dhaahena egameno

O Public Service Union of Namibia oya gandja ombedhi kooveta dhiilonga dha kwisha ,dhoka dha kutha wo ombinga moonkalo dhiilonga dhaaahena egameno,unene o Labour Act yomumvo 2007,ndjoka ya patela pondje iilyo yopolisi nomandiki goodholongo komagameno gawo.

Amushanga ndjayi gokomisi Ndjizuvee Haakuria moku yamukula koshiponga shongaashingeyi shiiyenditho  shoka sha faalele oomwenyo dhanambelewa yoodholongo noyopolisi yeli 14 naakwashigwana yaali ko Malinda okwati,aanilonga ngeno okwali yena uuthemba   oku wayimina omahangano gaanilonga,ngeno oya oyiikundilwa omalongekidho giiyenditho geli hwepo,noku tinda oku kutha omalombwelo gaana egameno,ngaashi oku humbatwa miiyenditho yuudha.

Haakuria momushangwa gohela tati o Labour Act oya patela pondje iilyo yegameno okwaaha wayimina omahangano gaanilonga,ngaashi shili mekotampango lyoshilongo nomo ILO Conventions onti 87 nonti 98.

Tati okomisi okwali nale ya pula o International Labour Organisation yi tale okwaaha kwatelwamo huka,nonando epangelo lya kala nokuuvaneka olundji oku lundulula oveta,kapena onkatu ya kuthwa.

Amushangandjayi,omanga ta gandja omahekeleko kaapambele ya gumwa,tiindiile ominista yegameno no defence,nopaalamende, ya tale koku lundulula ooveta meendelelo, okweeta omayakulo ngoka kohi yoveta yiilonga.