SOS Children’s Villages Namibia, tapula oshiwana shikwafele oku yambidida ounona tava hangwa momandiki avo moshilongo

Ehangano lo SOS Children’s Villages Namibia ota lipula omakwafelo moshiwana shi vayambidide moku yandja eyakulo la pumbiwa kounona tava filwa oshisho momandiki alo mo Namiba.

Rauna Nashindi,  eli omukongi womakwafo moshiwana oo apumbiwa kehangano lo SOS  Children’s Villages Namibia, okwati ehangano pefimbo eli ola taalela omashongo oiyakulifo nee mumbwe dounona ngaashi oindjalomwa, oikulya oikwamiti no shotuu.

Okwati omumbwe ya taalela ehangano, oye yapo konima eshi omupresident wa US Donard Trump,  ayandjele  elombwelo neudo  opo omakwafelo akala noku yandjwa okudja kehangano la US, akale aetwa pexulilo.

Nashandi teshi yelifa nghene pefimbo eli veli moshikonga shoku konga ookaume ovo tava dulu oku yambidida ehangano opo shikwafele no kuya moshipala omashongo neemumbwe da taalela endiki lounona.

Okwati pefimbo eli mendiki omuli ta muhangwa ounona vefike lunga po 200,  veli peedula da yooloka okudja pwaavo vashona lela fiyo omido 21.

Ounona tava filwa oshisho mendiki olo ota kulopotwa hava etwamo  okudja kouministry woufike pamwe paukashike koo okanhu.

Nashandi okwa pula keshe oo ena ehalo oku kwafela atalelapo Omandiki o SOS oo taa hangwa m Windhoek, Tsumeb oshoyo kOndangwa.