Aagundjuka oyiindiilwa ya kwatele komeho eyambulepo lyomalalakano goshilongo go Green Hydrogen ,sho ongundu yotango yo Green Hydrogen Youth Ambassodors ya pewa oonzapo dhawo mo Windhoek metitano

Ta popi moshituthi shokugandja oonzapo,omukuluntu wiliko go Hyphen Hydrogen Energy Marco Raffinetti okwati omulandu thaneko gwa Namibia go green hydrogen inagu monika nale,notagu pula eitulemo.

Ta lombwele aagundjuka kutya oyena oshinakugwanitha oshinene oku nwethamo omukumo noku longa iigwana kombinga yoompito moshikondo shiikwankondo yopaunshitwe.

Omukuluntu go Namibia Green Hydrogen Programme James Mnyupe okwa hokolola osheetwapo onga ompito yaagundjuka yoshilongo ya nwethemo oonkundathana dhopauyuni ngele tashiya kiikwankondo.

Opolohalama ya tulwa miilonga kepangelo lya Namibia payambidhidho no GIZ no Hyphen, otayi lalakanene oku dheula aagundjuka aaleli okuza kiitopolwa ayihe 14 yoshilongo onga omanyakwa gelundulukilo lya Namibia miikwankondo ya yela.