o Namibia Civil Aviation Authority oya londodha aalongithi yoo drone oku dhi tukitha momahala giindikwa

O Namibia Civil aviation Authority oya londodha aalongithi yoo drone okudhi longitha nenge okudhi tukitha momahala goshigwana ga indikwa,tayi holola eindjipalo lyiiningwanima yuuhasha yelongitho lyoo drone pooha nuupale woodhila,ookamba dhopakwiita,iikunino yopashigwana nomahala galwe giindiikwa.

O NCAA momushangwa gohela tayi londodha kutya iinyangadhalwa mbyoka itayi tula ashike moshiponga iilonga yaahingi yoodhila,ashike oyili wo oshiponga kegameno lyoshigwana nolyopashigwana.

Olutu halu kondolola uupale woodhila moshilongo taluti otalu tsikile okuyakula omanyenyeto goo drone tadhi tukithwa pooha nomagumbo gopaumwene,kuupale ngaashi ka Eros,nomoofalama dhopaumwene.

No nampa ya lopota kutya o NCAA otayi dhimbulukitha aalongithi yoo drone nomalalakano gomainyanyudho nenge gopaipindi kutya oshili oshinakugwanithwa shopaveta oku tukitha oo drone,ashike etukitho lyoo drone olya indilwa pomahala gontumba,nosha pumbwa eziminino.

Oku yamukula kuupyakadhi mbuka,o NCAA otayi ka tamekitha oshikonga shoku longitha oo drone noshisho oku gandja uuyelele nenge ekwatelo komeho lyomilandu dhoku tukitha oo drone,noku gandja enongelo lyiinakugwanithwa  yaalongithi yoo drone.