Okwali nale ndina iimaliwa omanga inaandi wayimina o Namcor -Cedric Willemse

Cedric Willemse,kwali omukuluntu go Supply and Logistics ko National Petroleum Corporation of Namibia (Namcor) okwa lombwele mangistrata gwa Windhoek ohela kutya okwali ena iimaliwa omanga inaa wayimina o Namcor

Willemse ngoka a taalela iipotha yokwahalonga nuuyuki,shika okweshi holola pethimbo tiindiile obail.

Omunamimvo 52 Willemse okwati okuna aanona yatatu,ayehe haya kala ko S.A.

Omona kadhona omukuluntu okuna omimvo 29,nokwa hokanwa,omanga aashona,aakadhona aakwanambwyiyu yomimvo 20,taya ilongo koo University ko S.A.

A valelwa mo Namibia,Willmse okwati okwa putukila mo Upington sha S.A noku galukila mo Namibia mo 2006.

Ta lombwele mangistrata Olga Muharukua kutya okuna wo uukwashigwana wa S.A.

Tati okwali ena ondunda yomanwino mo SA,oo sports bar dhili mbali,uutomeno utatu,no bottle,mbyoka  a landithapo omanga inaa tembukila mo Namibia.

Mongaashingeyi okwati iiyemo ye ohayi zi muunafalama noku landitha omeya go alkaline.

Willmse ta lombwele ompangu kutya okuna oofalama mbali,nokwali ha mono oomilion komumvula omanga inaa wayimina o Namcor.