UN oshoyo Arab league vayemba oshiponokela sha Israel

Ehangano loiwana yahangana oshoyo ehangano loilyolongo yo  Arab okwa yemba neenghono oshiponekela sha Israel, osho sha li tashi shoneke oku denga ewiliko lo pombada longudu yo Hamas mo Qatar onghela.

Ovanambelewa voshilongo sha Israeli ovati oshiponokela, okwali sha nuninwa oilyo yongudu yo Hamas, meembonge da kula tadi hangwa mo Doha, ashike nande ongaho ina shiyelamo kutya osha unganekwa momukalo watya ngahelipi.

Oshiponokela osha fiya sha twaalela eemwenyo doilyo ili 5 yongudu yo Hamas oshoyo omunambelewa umwe woku kalekapo eameno wa Qatar,  omanga oilyo imwepo yakula oyo yali moshongalele sheenghundafana yaxupa moshiningwanima.

Oo eli omupopiliko wetanga la Israeli,  okwati omatanga avo eameno lo mewangadjo okwa kufa ombinga moshiponokela.

Hamushanga wehangano loiwana yahangana Antonio Guterres , okwa ulika ina mbilipalekwa konghatu ya katukwa ku Israeli,  ta popi kutya, Qatar okwa kala tadana onghandangala yafimana moku hangakununa oshoyo meenghendabala dinasha neenghundafana doku yeeka oilwifo pokati ka Islaeli no ngudu yo Hamas.

Hamushanga okwa pula opo kweetwepo eenghendabala doku longela kumwe opo oilwifo ikale yayeekwa.

Ehangano loilyolongo yo Arab nalo ola ulika ita lipopile oshiponokela, tali yandje oushima ku Israeli kutya ote lidimbike oku dulika komalombwelo osho ta liti eenghatu odo akatuka odili tadi fifa ohoni.

Oo eli omupopiliko wouminsitry woikwapondje mo Qatar, okwati Prime Minister wa Islaeli Benjamin Netanyahu, eenghatu daye oda  ulika oku hena efimaneko kwaavo talongele kumwe navo.