Aa Namibia ya thika 112 oyiikutha oomwenyo pokati ka January na August nuumvo

Aa Namibia yeli 112 ma kwatelwa aanona yeli yane oyiikutha oomwenyo pokati ka Jan na August nuumvo,shiikwatelela kominista yuuhaku nonkalo nawa Dr Esperance Luvindao.

Minista,shiikwatelela ko Nampa okwa ningi etseyitho pethimbo lyedhimbulukoo lyesiku  lyo International Day of  Suicide Prevention koshipangelo sha Windhoek Central ohela.

Esiku olya dhimbulukiwa kohi yehuku:Changing the Narrative on Suicide,nokwali lya kwatelamo oshituthi shoku tema okalaheti oku dhimbulukwa iihakanwa yomaikuthomwenyo.

Omanga oolopota dha holola wo kutya aantu 542 oyiikutha oomwenyo mo Nambia pokati komumvo 2023 no 2024 ,noku ningitha oshilongo shi kale noondjele dhili pombanda moku ikutha oomwenyo.

Minister ta dhimbulukitha iikundaneki kutya omukalo moka omaikuthomwenyo haga lopotwa ogwa simana ,ta dhenge omuthindo kutya aatoolinkundana oya pumbwa omadheulo moku lopota omaikuthomwenyo.

Pastori Anthony Ngabwe,omukalelipo go Council of Churches in Namibia okwindiile aa Namibia ya yambidhidhe noku galikanena mboka taya pitile muudhigu.