Omukuluntu gopolisi yoshilongo Lt Gen Joseph Shikongo okwa holola eipulo omolwa ekuthemo lyiipotha yomahepeko

Omukuluntu gopolisi yoshilongo Joseph Shikongo,okwa holola eipulo omolwa eindjipalo lyoku kuthamo iipotha yomakwatonkonga nehepeko,shoka a ti otashi tula pevi einekelo lyomulandu guuyuki.

Ta popi petamekitho lyo Operation Katjavivi kOpuwo,Shikongo okwa nongele kutya aakwashigwana ohaya pula iipotha yi kuthwemo,nonando oya kwatelamo aanona aashona.

Ta holola kutya moshitopolwa Kunene,momumvo 2024-2025,iipotha yomahepeko gomomagumbo ya thika 47 oya lopotwa,mwa kwatelwa omakwatonkonga geli 20.

Aanona 12 oyali mokati kiihakanwa,ashike iipotha lwanima oyaka kuthwamo mompangu.

Shikongo,shiikwatelela ko Nampa okwa lopota wo endjipalo lyiimbuluma moshitopolwa moomvula ntano dha piti,nomadhengathano,okuteya omagumbo nuufuthi niingangamithi ayihe tayiindjipala,omanga uufuthi wiimuna wa shonopala kashona.

Omadhipago 10 oga lopotwa nuumvo,omanga 7 kwali ga lopotwa omumvo gwa tetekele.

Ta dhenge omuthindo kutya oshitopolwa Kunene osha taalela omashongo gegameno ngaashi ashike iitopolwa yilwe,nokwiindiile iigwana yi thikame noku gamena iihakanwa noku kalekapo uuyuki.