O NASCAM oya ndjekepo oshimaliwa shefumbiko lyiilyo okuza poodola 3 500 okuya poodola 15 000

O Namibian Society of Composers and Authors of Music oya tseyitha endjekepo enene lyoshimaliwa shefumbiko lyiilyo okuza poodola 3 500 okuya poodola 15 000.

O Nampa oya lopota kutya aapambele ya nakusa Ras Sheehama oyo taya ningi yotango oku mona uuwanawa melunduluko ndika epe,sha landula eso lye etitano lya piti mepipi lyomimvo 59.

Etseyitho olya ningwa pethimbo lyo concert yoku dhimbulukwa nakusa Ras Sheehama mo Windhoek,moka aahikingalo ooyakwawo naaholi yoo music dhe kwali ya tyapula onkalamwenyo ye.

Omupevi nashipundi go NASCAM Shinana Nghixulifwa okwati etokolo olili oshitopolwa shomalunduluko oku nawapaleka eyambidhidho lyopankalathano lyaahikingalo,noompangela dhonakuyiwa dha kwatelamo o medical aid nopenzela.

Tiindiile aa Namibia ya simaneke aahikingalo pethimbo lyoonkalamwenyo dhawo,ta dhenge omuthindo kutya uuthigandjokonona wa Sheehama nawu nwethemo uuyuki nesimaneko moshikondo shoo music.