Oo ali nale omupresident wa Brazil Jair Bolsonaro, okwa pewa ehandukilo lo dolongo lomido 27 neemwedi dili 3.

Olopota ya pitifilwa oikundaneki okudja mo Brazil, onghela oyati omupresident kwali nale okwa pewa ehandukilo lodolongo konima eshi amonika ondjo meenghendabala doku umbauko epangelo opo akale natango koshipundi konima eshi ali akanifa ewiliko moidjemo yo mahoololo mo 2022.

Elombwelo la yandjwa komangu onghela mekwatelo komesho lo vatokoli veli 5 momangu yashiyako ya Brazil, olati omu 70 Bolsonaro, okuli wotete ali nale omuleli woshilongo tapewa ehandukilo lo dolongo noku pewa oushima woku ponokela omulandu wo democracy moshilongo.

Okwa monika odjo momatamaneko eli 5 mwa kwatelwa eenghendabala doku umbako epangelo, oku kwatela komesho ehangano loukulo moshilongo, eenghendabala doku longifa naye omulanduveta wo u democry no kweetififa ominyonena oshoyo natango okunyonauna omaxumokomesho epangelo enasha neenghulunghedi.