Omulumentu gomimvo 33 a dhipaga aanona ye yaali komukunda Onkani moshitopolwa Oshikoto

Opolisi yoshilongo moshitopolwa Oshikoto otayi konakona oshipotha moka omulumentu gomimvo 33 a dhipaga aanona ye yaali komukunda Onkani moshikandjohogololo sha Omuntele.

Iihakanwa okakadhona komimvo 4 nokamati komimvo 2.

Omukuluntu gopolisi moshitopolwa komufala Ndeshihafela Ifo okwati omufekelwa okwiifala mwene kopolisi ya Okatope nena,sho a dhipaga aanona ye uusiku wosondaaha.

Etompelo okuya dhipaga inali tseyika,shiikwatelela kopolisi.