Eyalulo lyomawi olili metifa mo Malawi

Eyalulo lyomawi olili metifa mo Malawi ,sha landula omahogololo ga ningwa pethimbo oshilongo sha taalela oshikele shopaliko shi kenyeneka moomvula odhindji,noonando tadhi londo,ompumbwe yiikulya,niilanduli yonkalo yombepo.

O Al Jazeera oya lopota kutya  aaulikwa hogololwa ya heyali oya kutha ombinga momahogololo,ashike olugodhi olunene olwali  pokati komupresitend eli koshipundi Lazarus Chakwera 70,nomutetekeli gwe Pater Mutharika 85.

Aatseyinawa oyati aaulikwahogololwa yalwe ,mwa kwatelwa omupresident omukulu Joyce Banda inaya pataneka enwethemo lyayaali.

Okomisi yomahogololo ya Malawi,,shiikwatelela ko BBC oyina sigo o 24 omwedhi nguka yi tseyithe iizemo yomahogololo guupresident ga ningwa ohela,nopehulilo lyo 30 omwedhi nguka oku tseyitha iizemo yomahogololo gopaalamende.