Omudhimba gwa nakusa Edgar Lungu otagu tuminwa koshilongo she gu ka fumbikwe

Ompangu mo South Africa oya tindi eindilo lyopaveta lyaapambele yomupresident omukulu gwa Zambia Edgar Lungu mboka kwali taya indile etalululo lyetokolo opo aka fumbikwe koshilongo she.

Lungu ngoka a lela Zambia okuza mo 2015-2021 okwa hulithile mo South Africa mu June mepipi lyomimvo 68.

Onzonkundana yo AP oya lopota kutya aapambele ye okwali ya hala a fumbikwe mo S.A noku indika omupresident Hakainde Hichilema kaahaye kefumbiko nenge kaaha popye pefumbiko lye lyopapangelo.

Ashike ompangu yopombanda ya Pretoria oya tokola mu August kutya epangelo lya Zambia olina uuthemba oku fumbika omupresident gwalyo omukulu,noku gandja elombwelo opo omudhimba gwe gu pewe epangelo.

Ohela ompangu ya faathana oya koleke etokolo lyokuyele ,noku tindila aapambele yaaha ninge eindilo talululo,tayiti kapena ompito yeindilo talululo tali vulu oku pita mompangu yopombanda.

Nomudhimba gwe ngaashingeyi otagu pewa epangelo lya Zambia,gu ka fumbikwe koshilongo she.