Mali,Burkina Faso na Niger oya tseyitha taya zimo mompangu yo International Crminal Court

Iilongo itatu tayi lelwa kaakwiita momushangwa gopamuhanga oyati o ICC oya ndopa okutamaneka iimbuluma yiita niimbuluma yepogolo lyuuthemba womuntu ,nonando ya kala iilyo uule woomvula dha konda 20.

Etokolo,shiikwatelela ko Africa news olyeya wo pethimbo mpoka iilongo mbyoka ya thigipo o ECOWAS,tayi shonopeke uukumwe wawo na Europe,noku nkondopeka uukumwe na Russia kohi yongongahangano yawo yo ompe yo Alliance of Sahel states.

Iilongo ayihe otayi kondjitha uukulo mboka hau kondolola iikandjo iinene noku ninga iiponokela tayi odheke ookamba dhopakwiita.

Oongundu dhuuthemba womuntu odha gandja ombedhi koongundu dhuukulo nokomatanga gopakwiita gopashigwana oku ninga iimbuluma.

O ICC oya kala tayi konakona iimbuluma yiita mo Mali okuza mo 2013,sho iitopolwa yoshilongo ya gwile kohi yekondololo lyopakwiita.