Aakalimo mo Nkurenkuru taya lili omadhipago guupule

Aakalimo mo Nkurenkuru nopomudhingoloko mo Kavanngo west ,oya gandja omukandanyenyeto ku ngoloneya Verna Sinimbo ohela,taya pula onkatu yeendelela okuyamukula shoka yati omadhipago guupule.

Ongundu,shiikwatelela ko Nampa oya ningi okathimbo keimwenenneno kaamboka ya kanithila oomwenyo dhawo mushoka aakalimo yati o Vakakorora,aadhipagi yuupule mboka yiitaala kutya otaya odheke aakwashigwana omolwa iilyo lutu yawo.

Omukalelipo goshigwana Gabreil Tenga okwa holola ongeyo tati ihaya ende we ya manguluka omolwa uutile.

Komanda gopolisi moshitopolwa Komufala Julius Sakuwa Neo okwati kapena uumbangi womadhipago guupuule momudhingoloko.

Ta fatulula kutya omidhimba mbali dhaadhika momulonga gwa Kavango mo 29 July nomu 5 Sept odhina iilyo yimwe yaako,ngaashi okugulu,omeho,nomakutsi,noonyala oshowo ekolotse yaana oontumba.

Tati iitopolwa mbyoka okwa fekelwa ya liwako kiinamwenyo yomomeya ngaashi oongandu noohi oonene.

Tiindiile ngoka ena uuyelele womadhipago ngokaa  kwatathane nopolisi.