Omupresident gwa Malawi Lazarus Chakwera okwa zimine kutya okwa kanitha omahogololo

Omupresident gwa Malawi Lazarus Chakwera nena okwa taambako ekanitho lyomahogololo guupresident ga ningwa omwedhi nguka.

Tati osho oshinima shili mondjila oku taambako kutya okwa kanitha omahogololo,omolwa esimaneko lyaakwashigwana, oshowo ekotampango lyoshilongo,pethimbo ta popitha oshigwana.

Onzonkundana yo Reuters oya lopota kutya okomisi yomahogololo okwali kwa tegelelwa yi pitithe iizemo yomahogololo guupresident okutameka omutenya gonena .

Peter Mutharika okuli komeho ya Chakwera.