President Nandi-Ndaitwah okwa yandja oshipopiwa shaye koshongalele shoiwana yahangana shili metifa ko U.S

President Nandi-Ndaitwah, okwati ewanifo lo shongalele oshi 80  shoiwana yahangana UN osho shili metifa ko U.S, oshili ondjokonona tayuulike oku kalekapo ombili, oufemba woshiwana oshoyo eyambidido olo la etififa oilyolongo imanguluke mwa kwatelwa yoo NamibIa.

Omutwe woshilongo wa Namibia,  edi okwe dipopya pefimbo loshipopiwa shaye meenghundafana doshongalele oshi 80 shoiwana yahangana ko New York.

Nandi Ndaitwa tadenge omufindo nghene oikundafanwa yomayambulepo a Namibia tayuunganekwa koshi youkumwe umwe, oku yandja ouwa weedjo do paushitwe noku nghonopaleka yoo omayambulepo taa kalele mouwa wovanyasha, osho tati ota shiningwa oku pitila moikondo ngaashi ounamapya, elongo, oikwanghono opo ondjodi  yemoniko lo 2030 ifindike.

Nande ongaho okwa popya nghene elunduluko longhalo yomepo lili eshongo lakula,   teshi yelifa nghene Namibia taka kwatela komesho oshinyangadalwa osho tashi lalakanene eenghendabala doku amena noku kelela omaupyakadi haetififa omalunduluko onghalo yomepo,   ta pula oilyolongo ilongele kumwe moshinima.

Okwa popya yoo nghene Namibia tesheendifa nawa moshikondo shoufike pamwe paukashike koo okanhu tati 57% , doilyo yeumbo lomutumba wopashiwana oda kalekwapo kova kainhu mo Namibia.

Omuleli wa Namibia talongifa natango omito oku pula ehangano loiwana yahangana liyandje eyakulo lili pouyuuki koilyolongo ya Africa,  moku kalelwapo,  nokwa yemba yoo eendjidikila odo datulilwapo oilongo ngaashi  Cuba, Zimbabwe, na  Venezuela, yee tapula natango opo ku kale kwa monika eenghendabala dombili moilongo ili momakuyunguto ngaashi  DRC, Western Sahara, Gaza.