Ondangwa Tannery otayi ka yumudhwapo methimbo efupi

Uuministeli wiikwa fabrika,oomina niikwankondo palongelokumwe no Namibia Industrial Development Agency-NIDA no Desert Planet Industry ohela oya shaina etsokumwe lyoku hiila nokutula miilonga Ondangwa Tannery.

O tannery ndjoka ya kala itaayi longo omimvo dha konda 20 okwa tegelelwa yi yambulwepo noku ninga o factory yoku longa oongaku dhomukoya kohi yetsokumwe lyoku thitha lyoomvula 25 okuthika ku March omumvo taguya,tayi tala koku  etapo iilongomwa yomukoya.

Ta popi poshituthi shaino,omupevi prime minister nokuli ominista yoomina niikwankondo Natangu Iithete okwa holola kutya etsokumwe noku yumudhapo endiki lyo Ondangwa Tannery osha kalelapo etameko lyuukumwe uupe,omalongelokumwe nepungulo melyengushu lyoku etapo iilongomwa.

Omukuluntu wiliki go DPI Adami Doriano okwa holola kutya ehangano otali ka pungula oodola oomilion 58 metsokumwe lyoomvula 25,naanilonga taya tengenekwa yeli 1 000 ,noku longa oongaku 2 500 mesiku.

Ta shilipaleke eitulemo lyehangano oku yumudhapo o tannery noku kutha ombinga meliko lyoshilongo.