Iilambo yomoondjila mo Windhoek ya konda 26 000 oya thitikwa okuza mu February

Mayor gwa Windhoek Ndeshihafela Larandja okwa tseyitha kutya iilambo  yomoopate ya konda 26 000 oya thitikwa moshilando okuza mu Feb,omanga oo meter  dhomeya haga landwa opo ga longithwe dha konda 3 00 dha tulwa mo  pokati komumvo 2020 no 2025.

Mayor okwali ta popi moshigongi shoshigwana olyomakaya ko Soweto Market moshikandjohogololo sha John Pandeni.

Tati oku pupaleka eudhakano moopate,enawapaleko lyoondjila olili metifa.

Nodha kwatelamo oku tula pamuthika ondjila yoobana mbali ya Auas Road okuza ko Truck Port okuya ko Mandume Ndemufayo,oku  yambulapo o Peter Nanyemba Road,ya tseyika kwali o Monte Cristo,noku nawapaleka ya Winnie Madikizela Mandela,kwali ya tseyika onga Otjomuise Road.

Omanga komeya,Mayor ati okuza momaindilo 5 567 goo meter dhomeya go pre paid ga yakulwa okuza momumvo 2020,o 3 088 odha tulwa mo,omanga 2 479 natango inaadhi tulwamo,

Ta fatulula kutya ekateko lyoku tulamo oo meter nenge oowili otashi etithwa unene komashongo gootendela.